Flag Raising Ceremony - January 12, 2026 - Municipality of Kauswagan

Municipality of Kauswagan

Province of Lanao del Norte

Republic of the Philippines

Flag Raising Ceremony – January 12, 2026

January 12, 2026

Malinaw at magaan sa pakiramdam ang mensahe ni Mayor Sonia A. Arnado sa kanyang unang Flag Raising ceremony ngayong taon 2026. Ayon kay Mayor Arnado, masaya siyang makita muli ang mga masasayang mukha ng mga manggagawa na tila ba handa na rin ito sa mga hamon na dala ng bagong taon. Pinasalamatan ni Mayor Arnado ang buong konseho sa pamumuno ni Vice Mayor Rommel C. Arnado sa suporta umano nito sa kanyang pamumuno mula nang siya ay nailoklok bilang alkalde.

Pinaalalahanan din ng Mayora ang lahat na kalimutan na umano ang mga negatibong pangyayari ng nakaraang taon at tutukan ang positibong pananaw at pagkakaisa. Maging ang pagsilbi sa kapwa na may buong katapatan at integridad ay kanyang binigyang diin. Ipinaalala din nito na sa abot ng kanyang makakaya ay sisiguraduhin nitong walang maiiwan at umanoy samasama ang lahat na may pagmamahal at kapayapaan tungo sa pag-unlad.

Samantala, nagsalita din si Vice Mayor Rommel Arnado patungkol sa kanyang mga obserbasyon at updates.

Ipinagmalaki nito ang mga naipasang resolusyon at ordinansa. Layunin din ng bise mayor na mas maging produktibong sa taong 2026 kung kaya ay kanyang pinaalalahanan ang pag “re-visit” sa mga ordinansa ng bayan ng Kauswagan at maipasunod ito. Kanya ding ipinaalala ang mga kinakailangan maipagpatuloy na mga programa ng LGU at umanoy ma “sustain” ito.

Mainit na pagtanggap naman para sa mga internasyonal na panauhin, kabilang ang mga biodynamic consultant na sina Mr. Sandeep Kammat (India) at Mr. Marius Horner (Germany–Zurich), na nagbahagi ng mga inisyatiba sa pagbabago ng Kauswagan mula sa organic tungo sa biodynamic na pagsasaka.

#sikadpaKauswagan

#flagraisingceremony2026